“सर्वसामान्य जनतेचे नेतृत्व म्हणून जनतेच्या लढ्यातून उमटलेला आवाज – प्रतिभा मोरे!”

“जनतेच्या लढ्यातून उमटलेला आवाज – प्रतिभा रमेश मोरे!” 

वाघोदा-थोरगव्हाण (SC) जिल्हा परिषद गटात समाजहितासाठी सज्ज एक प्रबळ महिला नेतृत्व
 आवाज परिवर्तनाचा न्यूज नेटवर्क:
सावदा : (प्रतिनिधी)
वाघोदा-थोरगव्हाण जिल्हा परिषद गटातून सामाजिक कार्यकर्त्या प्रतिभाताई रमेश मोरे या आगामी निवडणुकीतून जनतेच्या सेवेसाठी प्रबळ दावेदार म्हणून पुढे आल्या आहेत. समाजातील तळागाळातील प्रश्नांना हात घालणाऱ्या, जनतेच्या वेदनांना स्वतःच्या वेदना मानणाऱ्या आणि न्यायासाठी लढण्याची हिंमत असलेल्या या महिला कार्यकर्त्या आज सर्वांच्या आशेचा किरण ठरल्या आहेत.
आपल्या सामाजिक जीवनाची सुरुवातच संघर्षातून झालेल्या प्रतिभाताई आज “सेवा हीच माझी राजकारणाची दिशा” या तत्त्वावर उभ्या आहेत. गावोगाव फिरून, प्रत्येक समाजघटकाशी संवाद साधत त्यांनी विश्वासाचा सेतू बांधला आहे. सामाजिक असो वा शैक्षणिक, महिलांचे प्रश्न असोत वा युवकांच्या रोजगाराच्या मागण्या  प्रत्येक विषयावर त्यांनी सातत्याने प्रशासनापुढे आवाज उठवला आहे.

मोर्चे, आंदोलने, उपोषण  जिथे समाजासाठी लढाईची वेळ आली, तिथे प्रतिभा मोरे नेहमीच आघाडीवर राहिल्या. त्यांनी लोकांचे हक्क मिळवण्यासाठी पायपीट केली, न्यायासाठी दरवाजे ठोठावले आणि जनतेच्या प्रत्येक आनंदात तसेच दुःखातही हजेरी लावली.

त्यांच्या वागण्या-बोलण्यात एक आपलेपणा आहे  जातीधर्म -पंथ याच्या पलीकडे जाऊन त्या सर्वसामान्य माणसात मिसळतात. गरीब कुटुंबातील एखाद्या विद्यार्थ्याला शैक्षणिक मदत असो, एखाद्या विधवेला न्याय मिळवून देणे असो किंवा शेतकऱ्यांच्या हक्कांसाठी लढणे असो प्रतिभाताईंची छबी म्हणजे “नेहमी उपलब्ध” अशीच बनली आहे.

आज वाघोदा-थोरगव्हाण गटातील जनतेच्या मनात एकच आवाज घुमतो 
“आमची बहीण, आमचा अभिमान – प्रतिभाताई  मोरे!”

त्यांची दावेदारी केवळ निवडणुकीसाठी नाही, तर समाजातील प्रत्येक घटकाला आवाज देणारी, न्यायासाठी झगडणारी आणि बदलाची दिशा दाखवणारी आहे.

 “समाजातील प्रत्येक अन्यायाविरुद्ध आवाज उठवण्याची त्यांची धमक ,
जनतेच्या हक्कांसाठी सातत्याचा लढा देणारी त्यांची ऊर्जा ,
आणि सेवेसाठी समर्पित असं  व्यक्तिमत्व हेच या गटाच नेतृत्व करण्यास योग्य आहे असा सूर सर्वसामान्य जनतेमधून उमटत आहे !”

0/Post a Comment/Comments