“जनतेसाठी, जनतेच्या हक्कासाठी आणि जनतेच्या सत्तेसाठी” — लखन भाऊंचा निर्धार
आवाज परिवर्तनाचा न्यूज नेटवर्क :
मुक्ताईनगर प्रतिनिधी :
मुक्ताईनगर तालुक्यातील तरुण नेतृत्व म्हणून आपली वेगळी ओळख निर्माण करणारे ऑल इंडिया दलित पॅंथर सेनेचे जळगाव जिल्हाध्यक्ष लखन पानपाटील यांनी आगामी जिल्हा परिषद निवडणुकीत उतरायचा निर्णय घेतल्याने राजकीय वर्तुळात चांगलीच खळबळ उडाली आहे.
तळागाळातील सर्वसामान्य जनतेच्या समस्या समजून घेऊन, त्या सोडवण्यासाठी सदैव मैदानात उतरणारा हा तरुण नेता आता थेट जनतेचा उमेदवार म्हणून उभा राहणार आहे. लखन भाऊंचा तरुणांशी दांडगा संपर्क असून, त्यांच्या नेतृत्वगुणामुळे आणि कामकाजामुळे अनेक तरुण कार्यकर्ते त्यांच्या पाठीशी ठाम उभे आहेत.
“जनतेसाठी, जनतेच्या हक्कासाठी आणि जनतेच्या सत्तेसाठी” या घोषवाक्याखाली लखनभाऊ पानपाटील यांचा हा राजकीय प्रवास सुरू होतो आहे. विकास, शिक्षण, रोजगार, शेतकऱ्यांचे प्रश्न, महिलांच्या सुरक्षेचे मुद्दे आणि स्थानिक विकास हे त्यांच्या प्रचाराचे प्रमुख मुद्दे असतील.
जनतेच्या मनातील नेता म्हणून ओळख असलेले लखनभाऊ यांनी संघटन बांधणी, समाजातील घटकांना जोडणे आणि जनतेत विश्वास निर्माण करणे या तीन बाबींमध्ये आपली ताकद सिद्ध केली आहे.
जिल्हा परिषदेच्या निवडणुकीत त्यांच्या उमेदवारीमुळे स्पर्धा रंगतदार होण्याची शक्यता असून, अनेक गावांमध्ये त्यांच्या समर्थनार्थ उत्साहाचे वातावरण दिसत आहे.
लखनभाऊ म्हणाले,
“सत्ता ही जनतेची असावी, तिचा वापर जनतेच्या हितासाठी व्हावा. राजकारण हे सेवेसाठी आहे, स्वार्थासाठी नाही — हेच आमचे धोरण आहे.”
राजकीय पटलावर नव्या ऊर्जेचा, तरुणाईच्या जोशाचा आणि तळागाळातील वास्तवाशी जोडलेल्या विचारांचा आवाज म्हणजे लखन भाऊ पानपाटील!
लखन भाऊंची उमेदवारी ही फक्त एका व्यक्तीची नव्हे तर तळागाळातील जनतेच्या आशा-आकांक्षांची लढाई आहे. स्थानिक पातळीवर परिवर्तनाचा नवा अध्याय लिहिण्याची ही सुरुवात ठरू शकते.
Post a Comment